Biznes-etika va korrupsiyaga qarshi kurashish

“O‘zbektelekom” AK korrupsiyaga qarshi faoliyatni boshqarishga kompleks yondashuvni amalga oshiradi, u faoliyatning barcha sohalarida korrupsiya xatarlarining oldini olish, aniqlash va minimallashtirishga qaratilgandir. Ushbu yondashuv O‘zbekiston Respublikasi milliy qonunchiligiga, xalqaro standartlarga va korrupsiyaga qarshi kurashish sohasidagi eng yaxshi amaliyotlar, jumladan ISO 37001:2016 “Korrupsiyaga qarshi kurashish menejmenti tizimlari” standartiga rioya etishda asoslangan.

“O‘zbektelekom” AKning korrupsiyaga qarshi kurash bo‘yicha faoliyati quyidagi normativ-huquqiy hujjatlar bilan tartibga solinadi:

“O‘zbektelekom” AKning korrupsiyaga qarshi kurashish faoliyati korrupsiyaga qarshi kurashish bo‘yicha chora-tadbirlarning ishlab chiqilishi va amalga oshirilishini ta’minlovchi Komplaens departamenti tomonidan muvofiqlashtiriladi.

Bo‘linmaning asosiy funksiyalari quyidagilarni o‘z ichiga oladi:

• ISO 37001:2016 standarti va qonunchilikka muvofiq ichki reglamentlarni ishlab chiqish va dolzarblashtirish;

Ishga qabul qilishda barcha yangi xodimlar korrupsiyaga qarshi me’yorlarga rioya etish borasida tekshiruv jarayonidan o‘tadilar. Kompaniyaning barcha tarkibiy bo‘linmalari korrupsiyaga qarshi talablarga rioya etishlari lozim, rahbariyat esa ularning tatbiq etilishiga va samaradorligiga javobgardir.

“O‘zbektelekom” AK qonunchilik va xalqaro standartlardagi o‘zgarishlarni inobatga olgan holda, muntazam ravishda Korrupsiyaga qarshi siyosatni tahlil qilish va takomillashtirishni amalga oshiradi. Amalga oshirilayotgan chora-tadbirlar samaradorligini baholash korrupsiya xatarlarini minimallashtirish va korporativ mas’uliyat darajasini oshirish uchun ichki jarayonlarni o‘z vaqtida moslashtirish imkonini beradi.

“O‘zbektelekom” AKda xatarlarni boshqarish tizimi doirasida bo‘linmalar va asosiy biznes-jarayonlarda korrupsiya xatarlarining muntazam baholanishi o‘tkaziladi. Bu ish salohiyatli tahdidlarni aniqlashga, oldini oluvchi choralarni tatbiq etishga va Kompaniya faoliyati shaffofligini oshirishga yo‘naltirilgan.

2023-yilda Kompaniyaning 31 ta bo‘linmasida 41 ta biznes-jarayon tahlil qilindi. Baholash yakunlariga muvofiq:

• 5 ta jarayon xatarning yuqori darajasiga kiritilgan;
• 21 ta jarayon o‘rta xatar darajasiga ega bo‘lgan;
• 15 ta jarayon — past xatar darajasida.

Korrupsiyaga qarshi tegishli choralar amalga oshirilgandan so‘ng:

• 0 ta jarayon yuqori xatar darajasi toifasida qoldi;
• 5 ta jarayon o‘rta darajaga o‘tkazildi;
• 36 ta jarayon xatari past deya tasniflandi.

“O‘zbektelekom” AK xodimlarning Korrupsiyaga qarshi siyosat tamoyillari to‘g‘risidagi xabardorligini oshirishga va biznesni axloqiy yuritish madaniyatini shakllantirishga qaratilgan o‘quv dasturlarini joriy etishga alohida e’tibor beradi. Korrupsiyaga qarshi chora-tadbirlarni amalga oshirish doirasida 2024-yilda turli xodimlar toifalari uchun axborot va o‘quv tadbirlari o‘tkazildi.

Hisobot davrida 100 % ma’muriy-boshqaruv personali, ishlab chiqarish personali xodimlari va boshqaruv a’zolari Kompaniyaning Korrupsiyaga qarshi siyosati va ichki tartib-taomillari bilan tanishdilar.

Jumladan:

• 725 nafar ma’muriy-boshqaruv personali xodimlari;
• 16 095 nafar ishlab chiqarish personali xodimlari;
• 5 nafar ijro organi xodimlari.

Korporativ ta’lim tashabbuslari doirasida 2024-yilda 979 nafar xodim korrupsiyaga qarshi maxsus kurslarda o‘qitildi, jumladan:

• 975 nafar xodim — O‘zbekiston Respublikasida;
• 4 nafar xodim — mamlakat tashqarisida.

O‘quv dasturlari Kompaniyaning Korrupsiyaga qarshi siyosatining asosiy qoidalarini, qonunchilik normalari, korrupsiya xatarlarini aniqlashtirish va oldini olish mexanizmlari, shuningdek, hamkorlar va davlat tuzilmalari bilan o‘zaro munosabatlarda axloqiy xatti-harakat qoidalarini o‘z ichiga oldi.

“O‘zbektelkom” AK korrupsiyaga qarshi ta’lim tizimini takomillashtirishni davom ettiradi va kelgusida treninglar va testlashning yangi interaktiv formatlarini tatbiq etib, korrupsiyaga qarshi ta’lim tizimini takomillashtirishni davom ettiradi.

2024-yilda korporativ monitoring va ichki nazorat tizimi doirasida “O‘zbektelekom” AKda korrupsiyaning tasdiqlangan holatlari aniqlanmadi. Hisobot davrida korrupsiyaviy qoidabuzarlik uchun xodimning ishdan bo‘shatilishi yoki ularga nisbatan intizomiy chora ko‘rilishi faktlari qayd etilmaydi. Shuningdek, korrupsiya bilan bog‘liq sabablarga ko‘ra amaliy hamkorlar bilan shartnoma bekor qilinishi yoki uzaytirilishidan voz kechilishi holatlari bo‘lmadi. Yil davomida Kompaniya yoki uning xodimlariga nisbatan korrupsiya bilan bog‘liq birorta ommaviy sud muhokamalari ro‘yxatga olinmadi. Bunday vaziyat oldingi ikkita hisobot davrida ham saqlanib qolgan edi.

GRI 205-3

Bundan tashqari, 2024-yilda qonunchilik va normativ talablar buzilishi holatlari qayd etilmadi. Kompaniya nomiga jarima sanksiyalari yoki boshqa turdagi — na moliyaviy, na ma’muriy xarakterdagi –javobgarlik choralari hisobot davrida ham, undan oldingi ikki yilda ham qo‘llanilmadi.

TC-TL-520a.1

2024-yil yakunlariga ko‘ra, raqobatga qarshi xatti-harakatni tartibga solish bilan bog‘liq sud muhokamalari o‘tkazilmadi.

O‘zbekiston Respublikasi Prezidentining 2022-yil 12-yanvardagi “Korrupsiyaga qarshi kurashish ishlarining samaradorligini reyting baholash tizimini joriy etish chora-tadbirlari to‘g‘risida”gi PQ-81-son qaroriga muvofiq, Korrupsiyaga qarshi kurashish agentligi (keyingi o‘rinlarda — Agentlik) har yili tashkilotlarning reyting baholanishini o‘tkazadi. Monitoring “E-Anticor.uz” elektron platformasidan foydalangan holda amalga oshiriladi, bu esa korrupsiyaga qarshi faoliyatning xolisligi va shaffofligini ta’minlaydi.

“O‘zbektelekom” AK bu reytingda faol qatnashib, shaffoflik va korporativ axloqning yuqori standartlariga rioya qilishini tasdiqlaydi. So‘nggi hisobot davri yakunlari bo‘yicha Kompaniya 100 balldan 82 ball to‘pladi, bu esa korrupsiyaga qarshi chora-tadbirlarning natijaviyligidan dalolat beradi.

Ushbu natija quyidagilarni aks ettiradi:

• Qonunchilikka muvofiqlik. Tatbiq etilgan choralar korrupsiyaga qarshi siyosat sohasida O‘zbekiston Respublikasi qonunchiligi va xalqaro me’yorlar talablariga to‘liq javob beradi.
• Korrupsiyaga qarshi boshqaruvga tizimli yondashuv. Kompaniyada xalqaro ISO 37001:2016 standarti talablariga muvofiq keluvchi korrupsiyaning oldini olishning samarali mexanizmlari tatbiq etilgan.

Kompaniya shaffoflik va korrupsiyaga qarshi kurashish masalalariga alohida e’tibor berib, korrupsiyaviy xatarlarni aniqlash va oldini olishning samarali mexanizmlarini tatbiq etadi. Bunday vositalar sirasida Tezkor aloqa liniyasi mavjud, u xodimlar, hamkorlar va mijozlarga korrupsiya va noqonuniy xatti-harakatlar faktlari haqida xabar berish imkonini yaratadi.

Murojaatlar taqdim etish uchun aloqa kanallari:

• O‘zbekiston Respublikasi Prezidentining Virtual qabulxonasi (https://pm.gov.uz);
• Kompaniyaning rasmiy veb-sayti va elektron pochta: antikorrupsiya@uztelecom.uz;
• Kompaniyaning ijtimoiy tarmoqlardagi rasmiy akkaunti va Telegram-boti;
• Maxsus ishonch telefoni: +998 55 501 77 87;
• Kompaniyaning tegishli organlariga shaxsan yoki yozma murojaat.